بەڕێوەبەرایەتیی نەهێشتنی ماددە هۆشبەرەکانی هەولێر دەستگیرکردنی دوو تۆمەتباری ڕاگەیاند، کە بڕی 10 کیلۆگرام ماددەی هۆشبەریان پێبووە.
لە ڕاگەیەندراوێکدا بەڕێوەبەرایەتیی ماددە هۆشبەرەکانی هەولێر بڵاویکردەوە، “شەوی 22/21ی تەمموزی 2021 دوای بەدواداچوون بە هەماهەنگی لەگەڵ ئاسایشی سۆران توانرا لەناو ساری هەولێر دەستبگیرێت بەسەر ڤڕی 10 کیلۆگرام ماددەی هۆشبەردا”.
ئەو ماددەیەی دەستیبەسەرداگیراوە لە جۆری تلیاک بووە، لەهەمان کاتدا دوو تۆمەتباریش دەستگیرکراون، کە خەڵکی ڕۆژهەڵاتی کوردستانن و دانیشتووی هەرێمی کوردستان بوون.
بەڕێوەبەرایەتیی ماددە هۆشبەرەکانی هەولێر ئاماژەی بەوەکردووە بەپێی ماددەی 25 لە یاسای ماددە هۆشبەرەکان پەڕاوی لێکۆڵینەوە بۆ تۆمەتبارەکان کراوەتەوە و ڕەوانەی لای دادوەری لێکۆڵینەوە کراون.
