بەیانیی ئەمڕۆ لەسەر رێگای کەلار – سلێمانی لە گوندی ئاوەخێر رووداوێکی هاتوچۆ روویدا و بەهۆیەوە چوار کەس گیانیان لەدەستدا و کەسێکی دیکەش برینداربوو.
بەڕێوەبەرایەتیی هاتوچۆی گەرمیان بڵاویکردەوە، بەیانیی ئەمڕۆ رووداوێکی هاتوچۆ لەنێوان ئۆتۆمبێلێکی بارهەڵگر ئەتیکۆ و ئۆتۆمبێلێکی تۆیۆتا هایلۆکس لە سەر ڕێگای کەلار دەربەندیخان نزیک گوندی ئاوەخێر روویدا.
ئاماژەی بەوەشکرد، چوار سەرنشینی ئۆتۆمبێلی تۆیۆتاکە کە بەئاڕاستەی کەلار هاتووە گیانیان لەدەستدا و شۆفێرەکەشی برینداربوو.
ئاشکراشیکرد، لەئێستادا تیمەکانی هاتووچۆ لە سەر رووداوەکەن و لێکۆڵینەوە دەستیپێکردووە، بەمەبەستی زانینی هۆکاری رووداوەکە.
