بافڵ جەلال تاڵەبانی، سەرۆكی یەكێتیی نیشتمانیی كوردستان لە دەباشان پێشوازی لە لەیلا زانا، سیاسەتمەداری كورد كرد.
سەرۆك بافڵ بە گەرمیی بەخێرهاتنی خاتوو لەیلا زانای كرد و وتی، “وەكو چۆن لای سەرۆك مام جەلال ژنێكی قارەمانی كورد بوویت و هەمووكات باسی بوێری تۆی لەسەر زار بوو، لای ئێمەش تێكۆشان و ئازایەتی تۆ هەمیشە بە زیندوویی دەمێنێتەوە”.
بافڵ جەلال تاڵەبانی لەبارەی پڕۆسەی ئاشتییەوە وتی، “خۆشحاڵین ئەنجامی هەوڵەكانمان گەیشتوونەتە ئەم قۆناغە و جەخت لەسەر ئەوە دەكەینەوە كە تەنها بژاردە بۆ سەقامگیریی ناوچەكە چارەسەركردنی پرسی كوردە بە گفتوگۆ”.
لای خۆیەوە، خاتوو لەیلا زانا سوپاسی یەكێتیی نیشتمانیی كوردستانی كرد لە پای ئەو هەوڵ و كۆششانەی بۆ بەدیهێنانی ئاشتی لە باكووری كوردستان و توركیا دەیدات و وتی، “هەرگیز لە یادی ناكەین كە سەرۆك مام جەلال یەكەم سەركردە بوو دەستیكرد بە چارەسەركردنی ئەم پرسە مێژووییە و دڵخۆشم ئێستا بافڵ جەلال تاڵەبانیش لەسەر هەمان رێباز هەوڵەكانی بەردەوامە و شانازیی دەكەین بەو رۆڵە كاریگەرەی دەیگێڕێت لەم كاتە هەستیارەی ناوچەكە پێیدا تێپەڕدەبێت”.
