بەڕێوەبەرایەتیی پەروەردەی سلێمانی نووسراوی دەستپێکردنەوەی دەوام و ساڵنامەی خوێندن ئاڕاستەی ئەو خوێندنگانە دەکات کە بایکۆتی پرۆسەی خوێندنیان کردووە.
بەپێی نووسراوێکی بەڕێوەبەرایەتیی پەروەردەی سلێمانی، سبەینێ سێشەممە دەست بە پرۆسەی خوێندن دەکرێتەوە و تا 4 ی ئازار، وانەکانی وەرزی یەکەمی خوێندن دەخوێندرێن، لە 9 ی ئازار تاقیکردنەوەی کۆتایی وەرزی یەکەم دەستپێدەکات و خوێندکاران لەسەر 80 نمرە تاقیکردنەوە دەکەن.
هەر بەپێی نووسراوەکە لە 24 ی ئازار وەرزی دووەمی خوێندن دەستپێدەکات تا 16ی ئایار، لە 19 ی ئایار تاقیکردنەوەی کۆتایی وەرزی دووەم دەستپێدەکات و لە رێکەوتی 30 ی ئایار پرۆسەی خوێندن کۆتایی دێت.
