وەزیری دادی عێراق رایدەگەیەنێت، وەفدی هەرێم لە بەغدادە و چەند كۆبوونەوەیەك ئەنجامدەدرێت بەو ئومێدەی كێشەی مووچەی مووچەخۆرانی هەرێم بە یەكجاری چارەسەربكرێت.
خالید شوانی وەزیری دادی عێراق رایگەیاند، ئەمڕۆ لەگەڵ سەرۆك كۆماری عێراق بۆ كێشەی گەڕەكی نەورۆز لە كەركوك و ئەو بارودۆخەی لەو شارە روویداوە كۆبووینەوە بەو ئومێدەی بتوانرێت بە رێوشوێنی یاسایی ئەو كێشەیە چارەسەربكرێت.
لەبارەی كێشەی مووچەی مووچەخۆرانی هەرێمەوە، وەزیری دادی عێراق رایگەیاند، لە ئێستادا وەفدی هەرێم لە بەغدادن لە داهاتوودا چەند كۆبوونەوەیەك ئەنجامدەدرێت بەو ئومێدەی یاسای بودجە هەمواربكرێتەوە و كێشەی مووچەی مووچەخۆرانی هەرێم بە یەكجاری چارەسەربكرێت.
