هەرچەندە پێشووتر حکومەتی هەرێمی کوردستان چەند بڕیارێکی لەبارەی داخستنی پاڵاوگە نایاسایی سووتەمەنییەوە دابوو، بەڵام دوێنێ لەسەر رێگەی هەولێر – گوێر، دوو کۆگە لە پاڵاوگەیەکی سووتەمەنی تەقینەوە، کە پاڵاوگەکە نایاسایی بوو.
بەپێی زانیارییەکان، لە سنووری هەولێر چەندین پاڵاوگەی نایاسایی هەن کە سەرلەنوێ دەستیان بە کارکردن کردووەتەوە و پابەندنین بە بڕیاری حکومەتی هەرێمی کوردستان لەبارەی داخستنی پاڵاوگە نایاساییەکانەوە، سەرەڕای ئەوەش دروستکردنی پاڵاوگەی نوێ بە شێوازی نایاسایی لە ناوچەکە دەستیپێکردووەتەوە.
ئەمەش پاش ئەوەدێت، کە دوێنێ شەو لەسەر رێگەی گوێر – هەولێر، ئاگر لە پاڵاوگەیەکی سووتەمەنى کەوتەوە، کە دوو کۆگاى گەورەى سووتەمەنى و تانکەرێک سووتان، لەکاتێکدا پاڵاوگەکە مۆڵەتى نەبووە، واتا نایاسایی بووە.
