بافڵ جەلال تاڵەبانی، سەرۆكی یەكێتیی نیشتمانیی كوردستان لە بەغداد چاویكەوت بە جەنەراڵ ماتیۆ مەكفارلان، فەرماندەی گشتیی هێزەكانی هاوپەیمانان لە عێراق و سوریا كە بەهۆی كۆتاییهاتنی ئەركەكەی دیدارەكەیان ئەنجامدا.
لەدیدارەكەدا سەرۆك بافڵ جەلال تاڵەبانی ستایشی رۆڵی جەنەراڵ ماتیۆ مەكفارلانی كرد كە لەماوەی كاركردنیدا هاوكار و هەماهەنگ بووە لە كردە سەربازییەكان دژی دا*ع*ش و هاریكارییە سەربازییەكانی نێوان هەرێم و بەغداد.
لەدرێژەی دیدارەكەدا دۆخی ئەمنی و چاكسازییەكانی ناو هێزی پێشمەرگە گفتوگۆی لەبارەوەكرا و سەرۆك بافڵ رایگەیاند، “یەكێتی بە هەموو شێوەیەك پشتگیریی یەكخستنەوەی هێزی پێشمەرگە دەكات و دەیەوێت هێزێكی نیشتمانیی تۆكمە بۆ پاراستنی كوردستان بونیاد بنرێت، بەڵام بەشێوەیەكی دادپەروەرانە و دوور لە بەرژەوەندیی تایبەت”.
وتیشی، “هاریكاری و كاری هاوبەشیی نێوان هێزە ئەمنییەكان فاكتەرێكی گرنگی پاراستنی سەقامگیرییە لە ناوچەكە و ئێمەش لەوپێناوەدا هەوڵدەدەین”.
