كاندیدێكی سەركەوتووی هاوپەیمانیی كەركوك هێز و ئیرادەمانە بۆ ئەنجومەنی پارێزگای كەركوك رایدەگەیەنێت، دوای پەسەندكردنی ناوی ئەندامانی ئەنجومەن لە ماوەی 15 رۆژدا ئەنجومەنی پارێزگای كەركوك كۆدەبێتەوە و دەشڵێت، “لە سبەینێوە دانوستانەكان بۆ پێكهێنانی حكومەتی خۆجێی كەركوك دەستپێدەكات”.
پەروین فاتیح كاندیدێكی سەركەوتووی هاوپەیمانیی كەركوك هێز و ئیرادەمانە بۆ ئەنجومەنی پارێزگای كەركوك لە لێدوانێكدا بە تۆڕی میدیایی ئێستای راگەیاند، دەبێت لەلایەن كۆمسیۆنی هەڵبژاردنەوەكانەوە ناوی ئەندامانی ئەنجومەن پەسەندبكرێت و بە نووسراو ئاراستەی كۆمسیۆنی كەركوك بكرێت ئەو كات بانگەواز بۆ كۆبوونەوەی ئەنجومەن دەكرێت.
ئاشكراشیكرد، “دوای گەیشتنی نووسراوەكە دەبێت پارێزگار لە ماوەی 15 رۆژدا بانگەواز بۆ كۆبوونەوەی ئەنجومەنی نوێ بكات و ئەگەر بانگەوازەكەی نەكرد رۆژی 16یەم ئەندامانی نوێی ئەنجومەن دەتوانن یەكەم كۆبوونەوە ئەنجامبدەن”.
وتیشی، “چاوەڕواندەكرێت لە سبەینێوە دانوستانەكان بۆ پێكهێنانی حكومەتی خۆجێی كەركوك لە نێوان پێكهاتەكان دەستپێدەكات”.
