بەڕێوەبەرایەتیی کەشناسیی هەرێم بڵاویکردەوە، پێشبینیدەکرێت لە سبەینێ کاتژمێر 9:00 ی بەیانی شەپۆلی بارانبارین کۆتایی بێت.
بەڕێوەبەرایەتیی کەشناسیی و بومەلەرزەزانیی هەرێم بڵاویکردەوە، بارانبارین لە ناوچەکانى باکوور و باکوورى رۆژهەڵاتى هەرێم بەردەوامە و لە کاتژمێرەکانى داهاتووشدا دابارینەکە لەو ناوچانە لاواز دەبێت بەرەو تەواوى ناوچەکانى تری هەرێم دەڕوات و پێشبینیشدەکرێت لە ناوچە شاخاوییەکانى هەولێر و ڕاپەڕین زۆرترین ڕێژەى باران ببارێت تا نیوەشەو و لە دواتریش زۆرترین ڕێژەى بارانبارین لە بەشێکى پارێزگای سلێمانى و بەشێک لە ناوچەکانى باشورى ئەو پارێزگایە دەبێت.
ئاشکراشیکرد، ناوچەکانی هەڵەبجە و هەولێر و کەرکووک و گەرمیانیش ڕێژەیەکى باش بارانى لێدەبارێت و هاوکات بەفریش لە ناوچە شاخاوییە سنووریەکان دەبارێت، پێشبینى دەکرێت کاریگەرى ئەم باران بارینە تا سبەینێ کاتژمێر 900 بە لاوازى لە ناوچەکانى رۆژهەڵات بمێنێتەوە.
