بە زۆرینەی دەنگی ئەندامانی ئەنجومەنی ژووری بازرگانیی سلێمانی، ئەمڕۆ سەرۆک و جێگران و نوێنەری ژووری بازرگانیی سلێمانی هەڵبژێردران.
ئەمڕۆ پێنجشەممە لە کۆبوونەوەی ئەنجومەنی ژووری بازرگانی و پیشەسازی، نەوزاد غەفور کەریم وەک سەرۆکی ژوور و هەریەک لە شێنێ ئیختیار و محەمەد رەسوڵ وەک جێگرانی سەرۆکی ژووری بازرگانیی سلێمانی هەڵبژێردران.
هەر لە کۆبوونەوەکەدا عوبێد ئەحمەد و بابان عوسمان، وەک نوێنەرانی ژووری بازرگانی بۆ یەکێتیی ژوورە بازرگانییەکانی هەرێم هەڵبژێردران.
ئەمە لەکاتێکدایە دوێنی سەرۆک و جێگرانی ژووری بازرگانیی هەڵەبجە هەڵبژێردران، 7ی مانگیش ژووری بازرگانیی دهۆک و 8ی مانگیش ژووری بازرگانیی هەولێر هەمان هەنگاو دەنێن.
لە رێکەوتی 30ی تشرینی دووەمی 2023 هەڵبژاردنی ئەندامانی کارگێڕی ژوورە بازرگانیەکان لە هەرێمی کوردستان بەڕێوەچوو.
