کۆمپانیای هەڵکەندنی بیرە نەوتەکانی سەر بە وەزارەتی نەوتی عێراق ئاشکرایکرد، لە ساڵی 2023 دا لە 199 بیرە نەوتدا کاریان کردووە بە شێوازی مۆدێرن.
خالد حەمزە عەباس، بەڕێوەبەری گشتیی کۆمپانیای هەڵکەندنی بیرە نەوتەکانی سەر بە وەزارەتی نەوتی عێراق لە لیدوانێکیدا رایگەیاند، “کارمەندانی تەکنیکی و ئەندازیارانی کۆمپانیاکە 67 بیرە نەوتیان هەڵکەندوە لەگەڵ لە نۆژەنکردنەوەی 132 بیرە نەوتی دیکە لە ساڵی 2023 لە کێڵگە نەوتییەکانی عێراق لە شارەکانی باکوور و ناوەڕاست و باشوور”.
ئاماژەی بەوەشکرد، “تیمەکانی تەکنیکی و ئەندازیاران ئەزموون و لێهاتووییان هەیە و پشت بە شێوازە مۆدێرنەکان دەبەستن لە کاتی هەڵکەندنی بیرەکاندا کە لە ئاستی نێودەوڵەتیدا پەسەندکراون”.
دەشڵێت، “پابەندین بە کوالیتی و رێنماییە تەندروستی و سەلامەتی و ژینگەییەکان بە پێی پێداویستییەکانی تایبەتمەندی ستانداردەکان لە سیستەمی بەڕێوەبردنی یەکگرتوو کە کۆمپانیاکە جێبەجێیدەکات”.
