بە گوێرەی ئەو ئامارە فیدڕاڵیانەی لە ئەمریکا بڵاوکراونەتەوە ئەو دەوڵەمەندانەی 1%ی دانیشتوانی ویلایەتە یەكگرتووەكان پێکدەهێنن سامانەکەیان لە سامانی هەموو چینی ناوەڕاستی وڵاتەکە بەرزترە.
ئاماری بانکی فیدراڵی ئاماژەی بەوەکردووە، سامانی ئەو 1%ی بە دەوڵەمەندەکانی ئەمریکا هەژماردەکرێن، دەگاتە 38.7 ترلیۆن دۆلار، لە کاتێکدا داهاتی هەموو چینی ناوەڕاست لە ئەمریکا ناگەتە ئەو بڕە و تەنها 26%ی ئەو بڕە پارەیەیان هەیە.
ئەمریکییە کەم داهاتەکان کە لە رووی داهاتەوە 20%ی رێژەی خەڵکی پێکدەهێنن، خاوەنی نزیکەی 3%ی سامانی دەوڵەمەندەکانن.
30 ساڵ پێش ئێستا، سامانی چینی ناوەڕاستی ئەمریکا دوو هێندەی 1%ی چینی دەوڵەمەندەکان بوو.
ملیاردێرەکان ئیلۆن ماسک، جێف بیزۆس، لاری ئیڵسن، وارێن بەفێت و چەند ناوێکی دیکەن کە لە دونیادا بەناوبانگن، بەڵام زۆرێکی دیکەش هەن لەو 1% کە ناویان دیارنییە و ناوبانگیان پەیدانەکردووە.
