مانگی رابردوو عێراق بە بەهای زیاتر لە ملیارێك دۆلار شمەكی لە توركیاوە هاوردەكردووە.
دەستەی ئاماری تورکیا بڵاویکردەوە، هەناردەکردنی لە وڵاتەكەیەوە بە رێژەی 5.2% زیادیکردووە و هاوردە بۆ ناوخۆ 5.7% کەمیکردووە.
لە ریزبەندی ئەو وڵاتانەی زۆرترین هاوردەیان لە تورکیاوە کردووە، عێراق پلەی سێهەمی گرتووە بە قەبارەی ملیارێک و 285 ملیۆن دۆلار، لە کاتێکدا ئاستی هاوردەی ئەڵمانیا یەک ملیار و 750 ملیۆن دۆلار بووە و ئیماڕاتیش بە ملیارێک و 365 ملیۆن دۆلار لە پلەی دووەمدا دێت.
عێراق یەکێکە لەو وڵاتانەی زۆرترین هاوردەی لە وڵاتانی دراوسێیەوە دەکات، ئەوانیش ئێران و تورکیان، زۆرینەی کاڵا و شمەکی ناو بازاڕەکان هی ئەو دوو وڵاتەن دواتریش سعودییە و ئوردن لە ریزبەندییەکەدا بەدیدەکرێن.
