بە گوێرەی پێشبینییەكانی كەشناسی رۆژی 31ی 12 و رۆژی یەكی 1ی 1 باران نابارێت و كەشوهەوا لەناوچەكانی هەرێمی كوردستان جێگیردەبێت.
دەستەی كەشناسی عێراق، ئەمڕۆ هەینی پێشبینییەكانی كەشوهەوای چەند رۆژی داهاتووی بڵاوكردووەتەوە و تێیدا ئاماژەی بەوەكردووە، سبەی شەممە، لە ناوچەكانی ناوەڕاستی عێراق و هەرێمی كوردستان ئاسمان لە نێوان ساماڵ و پەڵەهەوردا دەبێت.
ڕۆژی یەكشەممە كە 31ی مانگە و كۆتا رۆژی ئەمساڵە، لە ناوچەكانی هەرێمی كوردستان، نیمچە هەور دەبێت و پلەی گەرمی هاوشێوەی ئەم چەند رۆژە دەبێت و رۆژی یەكی مانگیش كە رۆژی دووشەممە، بە هەمانشێوەی نیمچە هەور دەبێت و پلەكانی گەرما بە جێگیری دەمێننەوە.
