میدیا عێراقییەكان بڵاویانكردووەتەوە، ئەمشەو كۆمسیۆنی باڵای سەربەخۆیی هەڵبژاردنەكانی عێراق ئەنجامی كۆتایی هەڵبژاردنی پارێزگاكان رادەگەیەنرێت.
ئاماژە بۆ ئەوەش كراوە، ئەو سكاڵایانەی لەسەر هەڵبژاردنی ئەنجومەنی پارێزگاكان ئاراستەی كۆمسیۆنی هەڵبژاردنەكان كراون یەكلاكراونەتەوە و بڕیارە پاش كەمێكی دیكە ئەنجامی كۆتایی هەڵبژاردنی پارێزگاكان لەلایەن كۆمسیۆنەوە رابگەیەنرێت.
لە 18ی ئەم مانگە هەڵبژاردنی ئەنجومەنی پارێزگاكان ئەنجامدرا و 24 كاتژمێر دوای پرۆسەكەش، كۆمسیۆنی هەڵبژاردنەكان ئەنجامی بەرایی هەڵبژاردنەكەی بڵاوكردەوە.
