ئەنجومەنی زانکۆی سۆران رایگەیاند، بەهۆی نالەباریی کەشوهەوا، خوێندنی قۆناغی یەکەمی زانکۆ دەکرێتە ئۆنڵاین.
ئەنجومەنەکە ئاماژەی بەوەکردووە، بەهۆی نالەباریی کەشوهەوا و لەپێناو پاراستنی سەلامەتی و تەندروستیی خوێندکاران، بڕیاریدا کە خوێندنی قۆناغى یەکەمی بەشە زانستییەکانی سەرجەم فاکەڵتییەکانی زانکۆکە، بکرێتە ئۆنڵاین.
ئاماژەی بەوەشکرد، بڕیارەکە بۆ ئەم هەفتەیەیە و لە 3ـی کانوونی دوومی 2026ـەوە تاوەکو 8ـی کانوونی دووەمی 2026، خوێندن ئۆنڵاین دەبێت.
