کەشناسیی عێراق پێشبینییەکانی کەشوهەوای چەند رۆژی داهاتووی بڵاوکردەوە و دەڵێت، لە ناوچەکانی هەرێمی کوردستان ئاسمان لە نێوان هەور و نیمچە هەوردا دەبێت و سبەی بەیانیش تەم دروست دەبێت.
دەستەی کەشناسیی عێراق بڵاویکردەوە، سبەی پێنجشەممە لە ناوچەکانی هەرێمی کوردستان ئاسمان نیمچە هەور دەبێت، لە کاتێکدا لەناوچەکانی ناوەڕاستی عێراق هەور دەبێت و ئەگەری بارانبارینش دەبێت، لە ناوچەکانی باشووری وڵاتیش، پێشبینی بارانبارین دەکرێت و پلەکانی گەرما دابەزین بەخۆیانەوە دەبینن.
لەبارەی رۆژی هەینیشەوە دەڵێت، کەشوهەوا هاوشێوەی رۆژی پێنجشەممە دەمێنێتەوە و لە ناوچەکانی هەرێمی کوردستان لە بەیانیدا تەم دروست دەبێت و لە ناوچەکانی باشووری عێراقیش ئەگەری بارانبارین بەشێوەی لێزمە باران هەیە.
