میدیاکانی خۆبەڕێوەبەریی ڕۆژئاوای کوردستان بڵاویانکردەوە، هێزە ئەمنییەکانیان شەوی ڕابردوو تەرمی سێ ژنیان دۆزیوەتەوە لە کامپی هۆل، یەکێکیان عێراقییە.
بەپێی سەرچاوەیەکی ئەمنی لەناو کامپی هۆل، ئەو سێ ژنەی کوژراون یەکێکیان عێراقییە و دووانەکەی دیکە ناسنامەیان نەزانراوە، بەمەش ژمارەی کوژراوەکان لە کامپەکەدا لە ساڵی 2022 دا بۆ 9 کەس بەرزبووەتەوە.
ئەو ژنە عێراقییەی کوژراوە ناوی سوریە عەواد عوێدە، دوو گوللـە بەسەرییەوە بووە، دوو ژنەکەی دیکە ناسنامەیان نەزانراوە و ئەوانیش دوو گوللـە بەسەریانەوە بووە.
سەرچاوەکە دەڵێت، تاوانەکە لەلایەن ئەو شانایانەی داعشەوە ئەنجامدراوە کە لەناو کامپەکەدا هەن، ئەوانە هەوڵدەدەن بیروباوەڕی داعش لەکەمپەکەدا بچەسپێنن و هەر هەوڵێک بۆ لادان لێیان و وەستانەوە لەبەرامبەریان ڕووبەڕووی کوشتن دەبنەوە.
بەپێی ئاماری بڵاوکراوەی هێزە ئەمنییەکانی کامپی هۆل، لەسەرەتای ئەمساڵەوە ئەوە نۆیەم تاوانی لەوشێوەیە ئەنجامبدرێت کە “عێراقی،سوری و بیانی” بوون.
