لە پرسەنامەیەکدا کە ئاڕاستەی بنەماڵەی کۆچکردووی کرد، سەرۆکی یەکێتی دەڵێت، “کۆچیدوایی لالە سەرحەد خەلیفە یونس، کەسایەتی دیاری ئێلی جاف و ریشسپیی عەشیرەتی رۆغزای لەدڵەوە نیگەرانیكردم”.
بافڵ جەلال تاڵەبانی، سەرۆکی یەکێتیی نیشتمانیی کوردستان رایگەیاند، “بۆ ئەم ماتەمە پرسە و هاوخەمیی قووڵمان ئاڕاستەی هەڤاڵ سالار سەرحەد، ئەندامی سەرکردایەتی و کوڕان و کەسوکار و بنەماڵەی سەربەرز و خانەدانی لالە سەرحەد دەکەم و هاوبەشی خەمیانم”.
ئەوەشی خستووەتەڕوو، “لالە سەرحەد کەسایەتییەکی دیاری کۆمەڵایەتی و ناسراوی گەلەکەمان بوو، هەمیشە دیوەخانەكەی لەخزمەت خەڵك و چاكەی گشتیدا بوو، نەوەكانیشی رۆڵێكی گرنگ و باڵایان گێڕاوە لە شۆڕش و خەباتی گەلەكەماندا”.
لە کۆتایشدا دەڵێت، “لە خوای گەورە داواكارم كۆچكردوومان بە بەهەشتی بەرین شادبكات و سەبووری بەهەموولایەك ببەخشێت”.
