بەڕێوەبەرایەتیی کەشناسیی هەرێم بڵاویکردەوە، لە ئێوارەی ئەمڕۆوە شەپۆلی بارانبارین کۆتاییدێت و کەشوهەوا جێگیردەبێتەوە.
بەڕێوەبەرایەتیی کەشناسیی و بومەلەرزەزانیی هەرێم بڵاویکردەوە، ئەمڕۆ دووشەممە ئاسمان نیمچە هەور دەبێت لەناوچە شاخاوییەکان هەوری تەواو دەبێت بەتایبەتی لەناوچە سنورییەکانی رۆژهەڵاتی هەرێم لەگەڵ نمە باران و بەفری پچرپچر.
ئاشکراشیکرد، لەکاتەکانی ئێوارە ئاسمان بەرەو ساماڵ و پەڵە هەور دەگۆڕێت کەشەکە جێگیر دەبێتەوە، لەکاتەکانی شەو پێشبینی دروست بوونی تەم دەکرێت لە ناوچەجیاجیاکاندا و زیاتر لە ناوچەکانی باشووری هەرێم و تاکاتەکانی بەیانی زوو رۆژی سێشەمە بەردەوامی دەبێت.
سەبارەت بە کەشوهەوای سبەینێ سێشەممە کەشناسیی هەرێم ئاماژەی بەوەکردووە، ئاسمان لەنێوان نیمچە هەور و ساماڵ دەبێت لەکاتەکانی شەو ئەگەری دروست بوونی تەم هەیە لە ناوچە جیاجیاکاندا بە تایبەت لەناوچەکانی رۆژئاوای هەرێم.
