ئەندامێكی ئەنجومەنی نوێنەرانی عێراق رایدەگەیەنێت، چاوەڕواندەكرێت حكومەتی عێراق 700 ملیار دیناری دیكە بە قەرز بۆ هەرێمی كوردستان بنێرێت تا ئەو كاتەی یاسای بودجە لە پەرلەمان هەمواردەكرێتەوە.
غەریب ئەحمەد ئەندامی ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای راگەیاند، بۆ چارەسەركردنی گرفتی مووچەی مووچەخۆرانی هەرێم، محەمەد شیاع سودانی سەرۆك وەزیرانی عێراق لیژنەیەكی پێكهێناوە كە پێكهاتووە لە ژمارەیەك لە راوێژكارانی حكومەتی عێراق و ژمارەیەك لە ئەندامانی لیژنەی دارایی بە شێوەیەك كە مووچە لە ئینفاقی فیعلی جیابكرێتەوە و هاوشێوەی مووچەخۆرانی عێراق مانگانە مووچەخۆرانی هەرێم مووچەكانیان وەربگرن.
ئەو پەرلەمانتارە جەختیكردەوە و وتیشی، “چاوەڕواندەكرێت حكومەتی عێراق 700 ملیار دیناری دیكە بە قەرز بۆ هەرێمی كوردستان بنێرێت تا ئەو كاتەی یاسای بودجە لە پەرلەمان هەمواردەكرێتەوە”.
