بەڕێوەبەرایەتیی هاتوچۆی پارێزگای هەولێر رایدەگەیەنێت، سیستمی گرێبەستی ئەلیكترۆنی لە ئەمڕۆوە تاوەكو 1ی كانوونی دووەم ساڵی 2024 رادەگیرێت و هۆكاری راگرتنەكەش باشتركردن و ئەبدەیتی سیستمەكەیە.
بەپێی راگەیەندراوێكی بەڕێوەبەرایەتیی هاتوچۆی پارێزگای هەولێر كە وێنەیەكی دەست تۆڕی میدیایی ئێستا كەوتووە و تێیدا هاتووە، سەبارەت بە گرێبەستی ئەلیكترۆنی فرۆشتنی ئۆتۆمبێل لە ئەمڕۆوە سیستمی گرێبەستی ئەلیكترۆنی دەوەستێت بە مەبەستی باشتركردن و (Update)ی سیستمە كە تا 1ی كانوونی دووەمی ساڵَی 2024.
هەر لە راگەیەندراوەكەدا هاتووە، “لە ماوەی ئەم راگرتنەشدا كۆمپانیا و پێشانگاكانی فرۆشتنی ئۆتۆمبێل، ئەگەر ئۆتۆمبێلیان فرۆشت ئەوا دوای كاراكردنەوەی سیستمەكە دەتوانن گرێبەستی ئەلیكترۆنی ئەنجامبدەن بەو مەرجەی لەناو گرێبەستەكە وەك تێبینی ئاماژە بە كاتی فرۆشتنەكە درابێت”.
