بەڕێوەبەرایەتیی هاتوچۆی هەولێر دەستبەسەرداگرتنی تاکسییەکی راگەیاند کە بووەتە مەترسی بۆ ژیانی هاوڵاتییان.
بەڕێوەبەرایەتیی هاتوچۆی هەولێر بڵاویکردەوە، مەفرەزەکانمان دەستیان بەسەر ئۆتۆمبێلی ژمارە 2 ی کرێ / هەولێر داگرت، کە شوفێرەکەی لە شەقامەکانی شار نمایشی نایاسایی دەکرد و مەترسی دەخستە سەر گیانی خەڵک و شوفێرانی دیکە و سەر سیستمی هاتووچۆ و هانی گەنجان و شوفێرانی دیکەی دەدا کەوا نمایش بکەن و گرەو لەسەر پارە و ئۆتۆمبێل بکەن.
ئاشکراشیکرد، شۆفێرەکەی بەشێوەیەکی نایاسایی دەستکاری خەسڵەت و ئاکارەکانی ئۆتۆمبێلەکەی کردووە، بۆیە سکالای یاسایی لەسەر شوفێرەکە تۆمار کراوە، هەر شوفێرێکیش نمایش بکات و مەترسی بخاتە سەر شەقام و سیستمی هاتوچۆ و دەستکاری ئاکار و خەسڵەتەکانی ئۆتۆمبێلەکەی بکات بەشێوەیەکی نا یاسایی دەست بەسەر ئۆتۆمبێلەکەیدا دەگیرێت.
