بەیانیی ئەمڕۆ لەکاتی لەوەڕاندنی ئاژەڵەکانیاندا دوو شوان لەلایەن چەکدارانی داعشەوە تەقەیانلێکرا و ئاژەڵەکانیان بەجێهێشت.
یەکێک لە شوانەکان بە تۆڕی میدیایی ئێستای ڕاگەیاند، “لە نزیک گوندی دووڕاجی لە ناحیەی زینانە سێ چەکدار کە جلی خاکییان لەبەردابوو، تەقەیان بەڕووی ئێمەدا کرد و ئێمەش بۆ پاراستنی گیانی خۆمان ئاژەڵەکانمان جێهێشت، بەڵام دواتر ئاژەڵەکانمان دەستکەوتەوە”.
هەردوو شوانەکە لە ڕووداوەکەدا بەسەلامەتی دەرچوون و دەڵێن، سێ چەکداریان بینیوە کە ڕیشیان هەبووە و تەقەیانلێکردوون.
ئەو ناوچەیەی کە ڕووداوەکەی تێدا ڕوویداوە ناوچەی داودەیە، نزیکە لەو شوێنەوە کە ئەم هەفتەیە ئاسایشی گەرمیان و هێزەکانی پێشمەرگە گۆڕە بەکۆمەڵەکەیان تێدا دۆزییەوە.
