لیژنەی باڵای دیاریکردنی نرخی کارەبای کۆمەڵگاکانی نیشتەجێبوون نرخی کیلۆواتی کارەبای موەلیدەی بۆ مانگی 12 دیاریکرد.
بەڕێوەبەرایەتیی گشتیی کارەبای سلێمانی ئاماژەی بەوەکرد، “لیژنەی باڵای دیاریکردنی نرخی کارەبای کۆمەڵگاکانی نیشتەجێبوون (ستییەکان) کۆبوونەوەیەکی سازکرد و تێیدا نرخی کیلۆواتی کارەبای موەلیدەی بۆ مانگی 12ی بە 280 دینار بۆ هەر کیلۆواتێک دیاریکرد”.
ئەوەشی خستووەتەڕوو، “نرخی کیلۆوات ئاوەرێک کارەبای موەلیدەی ستییەکان بەگوێرەی نرخی گازوایل لە بازاڕ و ئەو توێژینەوەیەی بۆ خەرجی موەلیدەی ستییەکان ئامادەکراوە دیاریکراوە”.
دەشڵێت، “پێویستیشە سەرجەم ستییەکانی سنووری پارێزگای سلێمانی پابەندبن بەنرخەکەوە، بەپێچەوانەوە ئەگەر زیاتر لەو نرخە وەربگرن رووبەڕووی رێکاری یاسایی دەکرێنەوە و سزادەدرێن”.
