ئەندامێکی ئەنجومەنی نوێنەرانی عێراق رایگەیاند، ئەمڕۆ وەفدێکی عێراق بە سەرۆکایەتی قاسم ئەعرەجی دەگاتە پارێزگای سلێمانی و لە تەقینەوەکەی دوێنێی فڕۆکەخانەی نێودەوڵەتیی سلێمانی دەکۆڵنەوە.
کاروان یاروەیس ئەندامی ئەنجومەنی نوێنەرانی عێراق رایگەیاند، ” لەسەر بڕیاری محەمەد شیاع سودانی سەرۆک وەزیرانی عێراق ئەمڕۆ وەفدێکی باڵای عێراق بە سەرۆکایەتی قاسم ئەعرەجی راوێژکاری ئاسایشی نەتەوەیی عێراق سەردانی سلێمانی دەکات و لە تەقینەوەکەی فڕۆکەخانەی سلێمانی دەکۆڵنەوە”.
ئاماژەی بەوەشکرد، “وا بڕیارە ئەنجومەنی نوێنەرانی عێراقیش لیژنەیەکی دەرخستنی راستییەکان پێکبهێنێت لە لیژنە پەیوەندارەکانی پەرلەمان و سەردانی سلێمانی بکەن”.
