جێگری سەرۆك وەزیرانی هەرێم رایدەگەیەنێت، لە وڵاتێكی تەواو هاوردەكاری بەرهەمە كشتوكاڵییەكانەوە، خەریكە وردە وردە بەرەو هەناردەكردن هەنگاودەنێین. لە سەرەتای رێگاكەداین، بەڵام تێگەیشتن و پلانی باش هەیە بۆ گەشەپێدانی كەرتی كشتوكاڵ.
قوباد تاڵەبانی جێگری سەرۆك وەزیرانی هەرێم لە پۆستێكیدا لە تۆڕی كۆمەڵایەتیی ئیسنتاگرام دەڵێت، دەستخۆشی لە وەزیری كشتوكاڵ و هەموو ستافی وەزارەت دەكەم كە لەم چەند ساڵەدا بە گوڕوتین و ماندووبوونێكی زۆرەوە هەوڵیان داوە بۆ پێشخستنی كەرتی كشتوكاڵ و ئێستاش خەریكە بەرهەمی هەوڵ و ماندووبوونەكانیان دەچننەوە.
راشیگەیاند، دوای هەنار و هەنگوین و پەتاتە، ئێستا حكومەتی هەرێم سێویشی هەناردە كرد، بەهیوای بەرهەمی زیاتر و هەناردەی زۆرتر تا ئەوكاتەی كشتوكاڵ دەبێتە هۆكارێك بۆ فرەچەشن كردنی داهات.
