بەڕێوەبەرایەتیی كارەبای سلێمانی رایدەگەیەنێت، هەڵمەتێكیان بۆ بڕینی سەرپێچی سەر تۆڕەكانی كارەبا، ئەنجامدا و سزای كۆمەڵێك سەرپێچیكار درا.
بەپێی راگەیەندراوێكی بەڕێوەبەرایەتیی كارەبای سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەمڕۆ پێنجشەممە چەند تیمێكی تایبەتی بڕینی سەرپێچییەكانی كارەبا و كۆكردنەوەی داهاتی سەر بە بەڕێوەبەرایەتیی دابەشكردنی كارەبای سلێمانی / رۆژئاوا، هەڵمەتێكیان بۆ بڕینی سەرپێچی سەر تۆڕەكانی كارەبا ئەنجامدا.
هەر لە راگەیەندراوەكەدا هاتووە، لە هەڵمەتەكەدا ژمارەیەك سەرپێچی دۆزرانەوە و بڕدران و سزای كۆمەڵێك سەرپێچیكار درا.
ئاماژە بۆ ئەوەش كراوە، بەڕێوەبەرایەتی دابەشكردنی كارەبای سلێمانی/رۆژئاوا ئاگاداری ئەو هاوڵاتییانەش دەكاتەوە كە هاوبەشی كارەبایان نییە تا ئێستا بەزووترین كات هاوبەشيی كارەباكەن.
