مەكتەبی سیاسیی یەكێتیی پیرۆزبایی سەركەوتنی هەڵبژاردنی ئەنجومەنی پارێزگاكان لە دەنگدەرانی كورد دەكات و دەڵێت، ئەم ئەنجامە جێی شانازییە باشترین بەڵگە و بەرپەرچی كوردانەیە بۆ سەلماندنی ناسنامەی كوردستانی و دووپاتكردنەوەی ئەو راستییەی كە یەكێتیی هێزی جەماوەری كوردستانە.
دەقی پەیامەكە:
كۆمەڵانی خەڵكی كوردستان
دەنگدەرانی كوردستانی لە كەركوك و سەرجەم ناوچە كوردستانییە دابڕاوەكان
بۆ ئەم سەركەوتنە مەزنەی گەلەكەمان و بەشداری پڕ جۆش و خرۆشتان، بەرۆحی بەرزی دیموكراتی و نیشتمانپەرەوەی بۆ سەرخستنی لیست و هاوپەیمانیی و كاندیدەكانی یەكێتیی نیشتمانیی كوردستان لە كەركوك ، موسڵ ، خانەقین و خورماتوو، پیرۆزبایی خۆمان ئاراستەی دەنگدارانی بەوەفای كوردستانی و بەتایبەتی دەنگدەرانی سەوز دەكەین ، ئەم ئەنجامە جێی شانازییە باشترین بەڵگە و بەرپەرچی كوردانەیە بۆ سەلماندنی ناسنامەی كوردستانی و دووپات كردنەوەی ئەو راستییەی كە یەكێتیی هێزی جەماوەری كوردستانە و لەهەموو قۆناغەكان لەگەڵیاندایە و بەجێیان ناهێلێت، بە سیاسەت و خەبات ، بەسەنگ و دەنگ شەری كوردستانی سەرجەم ناوچە دابڕاوەكان دەكات.
پیرۆزە ئەم سەركەوتنە كە یەكێتیەكەی خۆتان هێزی یەكەمی ناوچە دابڕاوەكانە بە تایبەتی لە كەركوكی قودسی كوردستان.
هەر پشت بە هێز و ئیرادەی ئێوەش و بە سیاسەتی چەپكە گوڵەكەی سەرۆك مام جەلال ئەنجومەنێكی كارای پارێزگا و ئیدارەیەكی خزمەتگوزار لە پێكهاتەكانی كەركوك دروست دەكەین كە پارێزگارەكەی كورد و یەكێتیی بێت.
جارێكی تر پیرۆزە و هەر سەربەرز و سەركەوتوو بن
مەكتەبی سیاسیی
یەكێتیی نیشتمانیی كوردستان
