وتەبێژی پۆلیسی دهۆک ڕایگەیاند، سێ تۆمەتباریان دەستگیرکردووە کە بە بەهای 600 ملیۆن دینار سپلیت و سیستمی ساردکەرەوە و گەرمکەرەوەی کۆمپانیایەکیان دزیوە.
هێمن سلێمان، وتەبێژی پۆلیسی دهۆک لە ڤیدیۆیەکدا دەڵێت، “جگە لەو سێ کەسەی دەستگیرکراون، چوار تۆمەتباری دیکەش هەن، دوو کەسیان ئەوانەن کە ئامێرەکانیان بە ئۆتۆمبێل گواستووەتەوە و دوو کەسی دیکەیان ئەوانەن کە ئامێرەکانیان بە هەرزان لێکڕیون”.
بە وتەی پۆلیسی دهۆک، ئەو کەسەی کە کۆمەڵێک ئامێر یان کاڵا بە نرخێکی هەرزان دەکڕێت، دەبێت ئاگاداربێت کە ئەوە دزییە و دەبێت پۆلیس ئاگاداربکاتەوە.
