وەزارەتی خوێندنی باڵاوتوێژینەوەی هەرێم پیرۆزبایی لە زانكۆی سلێمانی دەكات كە بەپێی “ڕیزبەندی شەنگهای” بۆ ساڵی 2023 لە بواری (زانستی ماددەكان و ئەندازیاری) لە كۆی پێنج هەزار زانكۆ لەسەر ئاستی جیهان و لە نێو 1900 زانكۆی هەڵبژێردراو زانكۆی سلێمانی وەك تاكە زانكۆ لەسەر ئاستی هەرێمی كوردستان و عێراق، پلەی (401– 500) وەردەگرێت.
بەپێی راگەیەندراوێكی وەزارەتی خوێندنی باڵاوتوێژینەوەی هەرێم كە وێنەیەكی دەست تۆڕی میدیایی ئێستا كەوتووە و تێیدا ئەم دەستكەوتەی زانكۆی سلێمانی نیشاندەری ئەو راستییە كە زانكۆكە لە رێگای توێژینەوە و تویژەرەكانییەوە دەیەوێت شوێنێكی باشتر لە نەخشەی ئەكادیمیای جیهاندا دەستەبەربكات.
هەر لە راگەیەندراوەكەدا هاتووە، ئەم ئەنجامە كاریگەری ئەرێنی دروستدەكات لەسەر رەوتی پێشكەوتنی ئەكادیمیا و ئاستی زانستی زانكۆكانی كوردستان بەگشتی، بۆ ئەوەی چالاكانەتر لە نەخشەی ئەكادیمیای جیهانی دەربكەون.
