شارەوانیی سلێمانی روونکردنەوە لەبارەی پارەی تاپۆکردنی خانووە زیادەڕۆکان دەدات

سەرۆکایەتیی شارەوانیی سلێمانی ئاشکرایدەکات، ئەو کەسانەی کەسوکاری پلە یەکی شەهید و ئەنفالکراو بێت یان کەمئەندامی سەنگەر بێت بەبێ بەرامبەر خانووی زیادەڕەوی بۆ تاپۆ دەکرێت.

سەرۆکایەتیی شارەوانیی سلێمانی بڵاویکردەوە، “دیاریکردنی پارەی تاپۆکردنی خانووی زیادەڕەو بەپێی ئەو حاڵەتانەی لامان هەیە دەگۆڕێت، ئەگەر داواکار کەمئەندامی سەنگەر یان خزمی پلەیەکی شەهیدان و ئەنفالکراوان بێت ئەوا خانووەکەی بەبێ بەرامبەر بۆ تاپۆ دەکرێت، خزمی پلەیەکیش تەنها (باوک، دایک، هاوسەر، منداڵ) دەگرێتەوە، بەڵام ئەگەر بەو شێوەیە نەبێت ئەوا پارەی تاپۆکردنەکە بە دوو بەش دیاری دەکرێت”.

ئاشکراشیکرد، بەشی یەکەمی پارەی تاپۆکردنەکە بە نرخێکی رەمزی دیاری دەکرێت و ئەم بەشە لە ناوەندی پارێزگادا هەتا رووبەری (200)مەتر دووجا و لە ناوەندی قەزادا هەتا رووبەری (250)مەتر دووجا و لە ناوەندی ناحیەدا هەتا رووبەری (300)مەتر دووجا دەڕوات.

بەڵام ئەگەر رووبەری خانووەکە لەوانە زیاتر بوو ئەوا بەشی دووەمی پارەی تاپۆکردنەکە بە نرخی بازاڕ دیاری دەکرێت کە لە ناوەندی پارێزگادا هەتا (300)مەتر دووجا و لە ناوەندی قەزادا هەتا (400)مەتر دووجا و لە ناوەندی ناحیەدا هەتا (500)مەتر دووجا دەڕوات.
باسیلەوەشکرد، لە یاسای (ژمارە 3 ساڵی 2019) هەموارکراو بە یاسای (ژمارە 7 ساڵی 2021) و رێنمایی وەزارەتی شارەوانی و گەشتوگوزار (ژمارە 3 ساڵی 2021)دا هاتووە.

بابەتی پێشتر

وەزیری پێشمەرگە: دەرفەتێكی لەبار لە بەردەمماندایە بۆ رێكخستنەوە و یەكخستنەوەی هێزەكانی پێشمەرگە

بابەتی دواتر

بەهای دۆلار دابەزی

بابەتی پەیوەندیدار
زیاتر ببینە

بەنزین گرانبوو

نرخی بەنزین لە بەنزینخانەكانی شاری سلێمانی گرانبووە و سەرجەم جۆرەكانی بەنزین لەمشەوەوە 50 دینار چووەتەسەر نرخەكەی. ئازاد محەمەد…
زیاتر ببینە

سالار مەحمود: دەرکەوت بڕیاری دادگای پاریس لە بەرژەوەندیی خەڵکی کوردستانە و تورکیا و ھاوئاوازەکانی لێی زەرەرمەندبوون

سالار مەحمود پەرلەمانتاری پێشووتری كوردستان دەڵێت، “رێکكەوتن لەگەڵ عێراق لەسەر بنەمای بڕیاری پاریس بووە، فەرەنسا ئەندازیاری رێکكەوتنی ھەرێم…
Total
0
Share