بەبۆنەی نزیکبوونەوەی ساڵی نوێوە، وەزارەتی دارایی و ئابووری هەرێم بڕیاریدا سەرجەم خەرجییەکانی خۆی رابگرێت.
بەپێی نووسراوێکی وەزارەتی دارایی و ئابووری هەرێم، بەهۆی نزیکبوونی کۆتایی ساڵی دارایی 2023، بەمەبەستی ئەنجامدانی پاکتاوکردنی ژمێریارییەکان و گەیاندنیان بە وەزارەت بڕیاردراوە، سەرجەم خەرجییەکان رابگیرێن.
هەر لە نووسراوەکەدا هاتووە، بڕیارەکە مووچە و پێشینەی مانگانە و هەندێک خەرجی ناگرێتەوە.
لە نووسراوەکەدا هاتووە، لە هەفتەی داهاتووەوە بڕیارەکە دەچێتە بواری جێبەجێکردنەوە، بۆیە لە رۆژی دەرچوونی نووسراوەکەوە هیچ داواکارییەکی خەرجی ئاڕاستەی وەزارەت نەکرێت.
