لەسەر شاخێکی بەرزی ناوەڕاستی فلیپین پاسێک کەوتەخوارەوە و لە ئەنجامدا 17 کەس گیانیان لەدەستدا و 11 کەسیش برینداربوون کە برینی ژمارەیەکیان سەختە.
ئاژانسی هەواڵی فرانس پرێس بڵاویکردەوە، رووداوەکە لە شاری هامتیک لە کەرتی ئانتیک بووە
لە کاتێکدا روویداوە پاسەکە گەیشتووەتە بەرزترین ئاستی شاخەکە و لەو کاتەدا برێکی لەکارکەوتووە و کەوتووەتە خوارەوە هەر ئەمەش بووە ژمارەی قوربانییەکانی زیاتر کردووە.
فلیپین یەكێکە لەو وڵاتانەی زۆرترین رووداوی هاتوچۆی تێدا روودەدات، هۆکارەکەشی پەیوەندی بە خراپی رێگەوبانەکان و پابەندنەبوونی شۆفێران بە رێنماییەکانی هاتوچۆ دەگەڕێتەوە.
