ڕوسیا هەناردەكردنی غازی سروشتی بۆ فینلەندا ڕادەگرێت وەك كاردانەوەیەك لەبەرامبەر ئەو وڵاتە كە ئامادە نەبوو غازی سروشتی بە دراوی ڕۆبڵ بكڕێت.
كۆمپانیای نیشتمانیی گاز لە فینلەندا بڵاویكردووەتەوە، لەلایەن كۆمپانیای گاز پڕۆمەوە ئاگاداركراونەتەوە لە سبەینێ شەممەوە هەناردەكردنی غازی سروشتی بۆ فینلەندا ڕادەگرن و ڕوسیا ئامادەنییە غازی سروشتی بۆ ئەو وڵاتە هەناردەبكات.
بەهۆی جەنگی ئۆكرانیا و هێرشی ڕوسیا بۆ سەر ئەو وڵاتەوە، ئەمریكا و بەشێكی زۆری وڵاتانی ئەوروپا بڕیاریاندا سزای كەرتی وزەی ڕوسیا بدەن و نەوت و غازی لێنەكڕن.
