هاوکاریی هێزەکانی هاوپەیمانان بۆ هێزەکانی پێشمەرگە گەیشتووە و بڕیارە رۆژی پێنجشەممە 7ی كانونى یەكەم مووچەی مانگی 11ی لیواکانی پیادەی وەزارەتی پێشمەرگە دابەشبکرێت.
وەزارەتی پێشمەرگەی حکومەتی هەرێم لە راگەیاندراوێکدا بڵاویکردەوە، هاوکاریی هێزەکانی هاوپەیمانان بۆ هێزەکانی پێشمەرگە خراوەتە سەر هەژماری وەزارەتی پێشمەرگە.
باس لەوەش دەکات، بەڕێوەبەرایەتیی گشتیی بودجە و بەرنامەکان (ژمێریاری سەربازی)، رێکارە دارایی و ژمێرییاریەکانی ئەنجامداوە و بانکەکانی ئاگادارکردووەتەوە، رۆژی پێنجشەممە 7ی كانونى یەكەمی 2023، مووچەی مانگی 11ی 2023ی لیواکانی پیادەی وەزارەتی پێشمەرگە دابەشدەکرێت.
