بافڵ جەلال تاڵەبانی، سەرۆكی یەكێتیی نیشتمانیی كوردستان بە یاوەری قوباد تاڵەبانی، سامان گەرمیانی، ئەمین بابە شێخ لە شاری سلێمانی بەشداریكرد لە پرسەی خاتوو (عائیشە عەبدولواحید) دایكی خاتوو نەرمین عوسمان و خوشكی شەهیدی سەركردە جەعفەر عەبدولواحید.
لە میانی بەشداریكردنی لە پرسەكەدا بافڵ جەلال تاڵەبانی جارێكیتر لە نزیكەوە پرسە و سەرەخۆشی و هاوخەمیی قووڵی خۆی گەیاندە بنەماڵە تێكۆشەرەكەیان كە نموونەیەكی هەرەباڵان لە خەباتی رزگاری خوازی گەلەكەمان و شۆڕشی نوێ كە جێدەستیان دیاروبەرچاوە لە خەباتی پێشمەرگایەتی و شۆڕشگێڕی و سیاسی لە هەرێمی كوردستان و ھیواشی خواست ئەم خەمە دواناخۆشی بنەماڵە تێكۆشەرەكەیان بێت.
