کەشناسیی هەرێمی کوردستان رایدەگەیەنێت، بارانبارین تاوەکو ئێوارەی ئەمڕۆ بەردەوامدەبێت و ئەمشەو تەم دروستدەبێت.
بەڕێوەبەرایەتیی کەشناسی و بومەلەرزەزانیی هەرێمی کوردستان بڵاویکردەوە، ئەمڕۆ شەممە، ئاسمان هەوری تەواو دەبێت، لەگەڵ بارینی نمەبارانی پچرپچر تاوەکو کاتەکانی ئێوارە، لە درەنگانی شەو تا بەیانی زوو رۆژی یەکشەممە لە هەندێک ناوچەدا تەم دروستدەبێت، هەروەها پلەی گەرمی 2-4 پلە نزمدەبێتەوە.
ئەوەشی خستەڕوو، سبەی یەکشەممە، ئاسمان ساماڵ دەبێت و نیمچەهەور دەبێت، هەروەها لە هەندێک کات و شوێن کەش بۆ هەوری تەواو دەگۆڕێت و پلەی گەرمی بەراورد بە ئەمڕۆ 2-4 پلە بەرزدەبێتەوە.
