سەرچاوەیەک لە یەکێک لە شاندەکانی بەشدار لە کۆبوونەوەی ئۆپێک پڵەس ڕایگەیاند، “بەڕازیل لە مانگی یەکی ساڵی 2024 پەیوەندی بە ئۆپێک پڵەسەوە دەکات”.
لەو بارەیەوە نووسینگەی سەرۆکایەتیی بەرازیل ئاماژەی بەوەکردووە، “لە سەردانەکەی لویز ئیناسیۆ سەرۆکی بەرازیل بۆ سعودیە بانگهێشتنامەیەکی وەرگرتووە بۆ بەشداریکردن لە هاوپەیمانی ئۆپێک پڵەسی وڵاتانی بەرهەمهێنەری نەوت، بەڵام تا ئێستا حکومەت وەڵامی ئەو بانگهێشتنامەیەی نەداوەتەوە”.
پێشتریش محەمەد بن سەلمان، شازادەی جێنشینی سعودیە کۆبوونەوەیەکی لەگەڵ سەرۆکی بەرازیل ئەنجامدا و لەو دیدارەدا گفتوگۆیان لەبارەی هەمانهەنگی نێوانیان کرد سەبارەت بە بەرزکردنەوەی هاوکارییەکانی نێوان هەردوو وڵات لە بوارە جیاجیاکاندا، دواتریش لە مەڕاسیمێکدا یاداشتێکی لێکتێگەیشتنیان لە بواری وزە لە نێوان هەردوو وڵاتدا واژۆکرد.
