راوێژكارێكی سەرۆك وەزیرانی عێراق رایدەگەیەنێت، بەرزبوونەوەی بەهای دۆلار بەردەوام نابێت و ئامانجی حكومەت بەهێزبوونی بەهای دینارە.
فادی شەمەریی راوێژكاری سیاسیی محەمەد شیاع سودانی سەرۆك وەزیرانی عێراق رایگەیاند، بەهای دۆلار لە بەرزبوونەوە بەردەوام نابێت و لە ماوەیەكی دیاریكراودا بەهای دینار بەهێز دەبێت و هەروەها بازاڕی رەشی دراوەكانیش دادەڕمێت.
جەختیشیكردەوە كە حكومەت و بانكی ناوەندیی عێراق كار بۆ بەهێزكردنی بەهای دینار دەكەن و لە ماوەیەكی دیاریكراودا دینار هێزی خۆی بەدەستدەهێنێتەوە.
