پۆلیسی هەڵەبجە دەستگیرکردنی تۆمەتبارێکی راگەیاند، کە لە کاتی نوێژی عەسردا لە مزگەوتێکدا دزی لە نوێژخوێنێک کردبوو.
بەڕێوەبەرایەتیی پۆلیسی هەڵەبجە بڵاویکردەوە، بەشی پۆلیسی نەهێشتی تاوان تۆمەتبارێکیان دەستگیرکرد بەتۆمەتی دزیکردن بە بڕی 350 هەزار دیناری عێراقی لە هاوڵاتیەک لەکاتی ئەنجامدانی نوێژی عەسر لەمزگەوتێکی هەڵەبجەدا.
ئاشکراشیکرد، تۆمەتبارەکە بە ناوی (ی .ح.ک) تەمەن 44 ساڵ دانیشتووی سنووری پارێزگای سلێمانی لەبەردەم دادوەری لێکۆڵینەوە دانی بەتاوانەکەیدا ناوە لە ئێستادا بە بڕیاری دادوەری لێکۆڵینەوە بەپێ ماددەی 446 لە یاسای سزادانی عێراقی راگیراوە.
