ئەندامێكی ئەنجومەنی نوێنەرانی عێراق رایدەگەیەنێت، لە چەند رۆژی داهاتوودا 700 ملیار دینارەكە دەنێردرێت و مووچەی مانگی 9 دابەشدەكرێت و دەشڵێت، “تائێستا چارەنووسی مووچەی سێ مانگی ئەمساڵی مووچەخۆران لە نێوان هەرێم و بەغدادا نادیارە”.
سۆران عومەر ئەندامی ئەنجومەنی نوێنەرانی عێراق لە لێدوانێكیدا رایگەیاند، لە چەند رۆژی داهاتوودا بەغداد 700 ملیار دینارەكە دەنێرێت و مووچەی مانگی 9ی مووچەخۆرانی هەرێمی پێدابەشدەكرێت.
راشیگەیاند، گرفتەكە لەوەیەدا سێ مووچەی مووچەخۆران دەمێنێت و عێراق بڕیاریداوە پاكتاوی دارایی لەگەڵ هەرێم بكات پێدەچێت پارە بنێرێت ئەگەر نا قەرزدار دەبین و وتیشی، “تائێستا چارەنووسی مووچەی سێ مانگی ئەمساڵی مووچەخۆران نادیارە و داواكەی ئێمەش ئاراستەی ئەمیندارێتیی ئەنجومەنی وەزیرانی عێراق كراوە و دەڵێت، دەبێت لە بەشە بودجەی هەرێم چارەسەربكرێت و گرفتەكە لەوەدایە پشكی هەرێم لە ئێستادا كێشەی تێدایە”.
