وەزارەتی دەرەوەی قەتەر رایدەگەیەنێت، لە كاتژمێر 7ی سەر لە بەیانی رۆژی هەینییەوە ئاگربەستی مرۆیی لە كەرتی غەززە دەستپێدەكات.
لە راگەیەندراوێكدا وەزارەتی دەرەوەی قەتەر بڵاویكردووەتەوە، كاتژمێر 7ی سەلەبەیانی ئاگربەستی مرۆیی كەرتی غەززە دەستپێدەكات و گۆڕینەوەی دیلەكان لە نێوان هەردوولادا كە رێككەوتنی لەسەر كراوە لە ماوەی 4 رۆژدا دەبێت.
ئاماژەی بۆ ئەوەش كردووە، گۆڕینەوەی دیلەكان لە كاتژمێر 4ی پاشنیوەڕۆی رۆژی هەینییەوە دەبێت.
