په‌رله‌مانى توركیا ماوه‌ى مانه‌وه‌ى سوپاى وڵاته‌كه‌ى له خاكى ئازه‌ربایجاندا درێژكرده‌وه.
به‌پێی هه‌واڵى میدیا نێوخۆییه‌كانى توركیا، له دانیشتنى په‌رله‌مانى توركیادا گفتوگۆ له‌باره‌ى درێژكردنه‌وه‌ى ماوه‌ى مانه‌وه‌ى سوپاى وڵاته‌كه‌ى له‌نێو خاكى ئازه‌ربایجان كراوه و به زۆرینه‌ى ده‌نگیش بڕیاردراوه ماوه‌كه‌ى درێژبكرێته‌وه.
به‌پێی بڕیاره‌كه، سوپاى توركیا له ئازه‌ربایجان ده‌مێنێته‌وه بۆ هاوكاریكردنى هاوپه‌یمانه‌كه‌ى تا پارێزگاری له مافه ده‌ستووری و یاساییه‌كانى سه‌روه‌ریی وڵاته‌كه‌ى بكات.
هه‌روه‌ها له‌گه‌ڵ ڕوسیا چالاكیی هاوبه‌شی ده‌بێت له ناوه‌ندی چاودێری له خاكى ئازه‌ربایجاندا.
ئه‌و بڕیاره‌ى توركیا له‌كاتێكدایه، ئازه‌ربایجان و ئه‌رمینیا چه‌ند جارێك پێكدادانى سه‌ربازی له‌نێوانیاندا له هه‌رێمى قه‌رەباخ كه خاڵى ناكۆكیی هه‌ردوو وڵاته ڕوویداوە، دوێنێش به‌هۆی پێكدادانى نێوانیانه‌وه 15 سه‌ربازی ئه‌رمه‌نى كورژان و ژماره‌یه‌ك سه‌ربازی ئازه‌ربایجانیش كوژران دواتر ده‌ستیوه‌ردانى ڕوسیا گرژی و شه‌ڕی نێوان ئه‌و دوو وڵاته‌ى له سنووره‌كان ڕاگرت.
