نوێنەرانی مامۆستایانی وانەبێژ هەڵوێستێكی نوێ لەبارەی بایكۆتی دەوامەوە رادەگەیەنن و دەشڵێن، “ئاراستەی خۆپیشاندانەكان بۆ بەغداد دەگۆڕین”.
دوای سێ كاتژمێر لە كۆبوونەوەیان لە كۆنگرەیەكی رۆژنامەوانیدا نوێنەرانی مامۆستایانی وانەبێژ رایانگەیاند، دوای 68 رۆژ لە بایكۆتكردنی هۆڵەكانی خوێندن بڕیاردراوە درێژە بە بایكۆت بدەن تا ئەو كاتەی دادەمەزرێندرێن.
راشیانگەیاند، بڕیاریانداوە پاڵپشتی لە مامۆستایانی دامەزراو بكەن و ئاراستەی خۆپیشاندانەكان بۆ بەغداد دەگۆڕن.
