بەپێی راگەیەندراوێكی سەرۆكایەتیی شارەوانیی كە وێنەیەكی دەست تۆڕی میدیایی ئێستا كەوتووە و تێیدا هاتووە، سەرۆكایەتیی شارەوانیی سلێمانی هاوڵاتییانی شاری سلێمانی دڵنیادەكەینەوە كە تیمەكانی شارەوانیی لە ئامادەباشیدایە بە هەماهەنگیی لەگەڵ سەرجەم لایەنە پەیوەندی دارەكان.
شارەوانیی سلێمانی دەشڵێت، داواكارین لە هاوڵاتییان ئەم رێنمایانە بەهەند وەربگرن:
1. لادانی ئەو بەربەستانەی كە دانراون لەسەر مەنهۆڵ و ئاوەڕۆكان.
2. پاكڕاگرتنی مووشەبەكی باراناوی سەر مەنهۆڵەكان و ئاوەڕۆكانی بەردەم ماڵان و ناوبازار.
3.پاككردنەوەی ئاوەڕۆی سەربان و حەوشەی ماڵەكانتان.
4. پاراستنی ئاوەڕۆی كۆڵان و شەقامەكان، نابێت خۆڵ و خاشاك و چەوری و پارچە ئاسن و دەبە و نایلۆن بكرێتە ناو مەنهۆڵەكانەوە.
5. پاراستن و مانەوەی سەری مەنهۆڵ و مشبكاتی باراناوەكان.
6. داوا لە سەرجەم خاوەن چێشتخانەو خواردنگەكان دەكەین پاشماوەی خۆراك و بە تایبەت رۆن نەخریتە ناو مەنهۆل و ئاوەڕۆكان كەدەبێتە هۆی گیرانی ئاوەڕۆكان.
7. ئەو ماڵانەی لە كۆڵانی لێژن و لە بەشی خوارەوەی بەرزاییەكن، ئامادەكاریی بكەن بۆ لابردنی كەل و پەلی پێویست لە بەردەم ماڵەكانیان.
لە كاتی پێویستدا، پەیوەندی بكەن بە ژمارە 100 لەبەر ئەوەی بەردەوام لە پەیوەندی ڕاستەوخۆدان لەگەڵ تیمە خزمەتگوزارییە ئێشكگرەكانی شارەوانیمان.
