بڕیارە ئەمڕۆ ئەنجومەنی نوێنەرانی عێراق دانیشتنێك تایبەت بە خوێندنەوەی دووەم بۆ پرۆژەیاسای هەمواری یاسای كۆمسیۆن ئەنجامبدات.
دەستەی سەرۆكایەتیی ئەنجومەنەكە بەرنامەی كاری دانیشتنەكەی بڵاوكردەوە كە تەنها ئەو بڕگەیە لەخۆدەگرێت.
بەپێی بەرنامەی كار دانیشتنەكە كاتژمێر 1ی پاش نیوەڕۆ گرێدەدرێت.
هەفتەی رابردوو ئەنجومەنی نوێنەران خوێندنەوەی یەكەمی بۆ پرۆژەیاساكە كرد كە مەبەست لێی درێژكردنەوەی ماوەی كاركردنی كۆمسیۆنە بەمەبەستی سەرپەرشتیكردن و ئەنجامدانی هەردوو هەڵبژاردنی ئەنجومەنی پارێزگاكان لە 18ی كانونی یەكەمی داهاتوو و هەڵبژاردنی پەرلەمانی كوردستان لە 25ی شوباتی ساڵی داهاتوو.
