فەرماندەیی ئۆپەراسیۆنەکانی بەغداد رایگەیاند، دەستیان بەسەر چوار کۆگادا گرتووە کە کتێبی پڕۆگرامەکانی خوێندنی وەزارەتی پەروەردەی تێدابووە کە نایاسایی لەو وەزارەتەوە هێنراوەتە دەرەوە.
لە راگەیەندراوێکدا فەرماندەیی ئۆپەراسیۆنەکانی بەغداد ئاماژە بەوە کرد، ”هێزێکی پۆلیسی فیدراڵی بە هاوبەشی لەگەڵ مەفرەزەیەک لە ئاسایشی بەغداد و وەزارەتی پەروەردە، دوای وەرگرتنی زانیاری ورد، توانیان دەستبەسەر چوار کۆگای کتێبی پڕۆگرامەکانی خوێندنی وەزارەتی پەروەردەدا بگرن، کە بە نایاسایی لەو وەزارەتەوە هێندراوەتە دەرەوە”.
ئەوەش ئاشکرا کراوە، ”کۆگاکان کەوتوونەتە باکووری رۆژهەڵاتی بەغداد و ئەو کتێبانەش کە دەستیان بەسەردا گیراوە رادەستی لایەنە پەیوەندیدارەکان کراون”.
