محەمەد شیاع سودانی، سەرۆک وەزیرانی عێراق لە کۆبوونەوەی ئەمڕۆی ئەنجومەنی وەزیراندا وتوویەتی، “ناکرێت خەڵک بێ مووچە بێت”.
راوێژکارێکی سودانی ئەوەی ئاشکراکردووە، لە کۆبوونەوەی ئەمڕۆی ئەنجومەنی وەزیرانی عێراقدا، گفتوگۆ لەبارەی کاری لیژنە هاوبەشەکەی هەرێم و بەغداد کراوە و مۆڵەتى هەفتەیەکیش بۆ رێککەوتن لەبارەى دۆسیەکانى داهاتى نانەوتى و هەناردەکردنەوەى نەوت، لەنێوان هەولێر و بەغداد دراوە.
بەپێی زانیاریی سەرچاوەیەکی ئاگادار، سودانى لە کۆبوونەوەکەدا وتوویەتى، “ناکرێت خەڵک بێ مووچە بێت” و، داواىکردووە هەولێر و بەغداد لەماوەى هەفتەیەکى دیکە بگەنە ئەنجام، تاوەکو مووچەى مانگەکانى تەمموز و ئاب بڕیارى لەسەر بدرێت.
