لەسەر سكاڵای هاوڵاتییەك و بەتۆمەتی فێڵكردن هێزەكانی پۆلیس لە سلێمانی تۆمەتبارێكیان دەستگیركرد.
بەڕێوەبەرایەتیی پۆلیسی پارێزگای سلێمانی رایگەیاند، دوای ئەوەی هاوڵاتییەك سكاڵای تۆماركرد كە ئۆتۆمبێلە بارهەڵگرەکەی بە فێڵ لێسەندراوە و فرۆشراوەتەوە، دوای وەرگرتنی بڕیاری دادوەر و گەیشتنە ئەنجامی لێكۆڵینەوەكان، لەلایەن بنكەی پۆلیسی ئەزمەڕەوە تۆمەتبار دۆزرایەوە و دەستگیركرا.
ئەوەشی خستەڕوو، لەكاتی دەستگیركردنیشیدا دەستگیرا بەسەر ئۆتۆمبێلە بارهەڵگرەكەدا.
تۆمەتبار (ع.ت.ع. لەدایكبووی 1989) بە بڕیاری دادوەر راگیراوە و لێكۆڵینەوە لەگەڵیدا بەردەوامە، وەك ئەوەی پۆلیسی سلێمانی ئاماژەی پێداوە.
